Ерегейдеех Убулуейгунэн тапталлаах мин дойдум, Эбээ5им!!!

 Ханна да ыраата сылдьаммын

Куруутун эйиигин ахтабын,

Ханнык да дьиктини кердербун

Куруутун эйиигин керебун

Эбээ5им Эбээ5им барахсан

Эн куруук миэхэ5э кундугун,

Эн сиргэр тэннээ5и, кэрэни

Эн иьит ханна да булбаппын

1982 сыллаахха ыраах Приморскай кыраайга Армия5а сулууспалыы сылдьан сылдьан дойдутугар, дьонугар – сэргэтигэр, ахтыл5анын ырыа - хоьоон гынан таьаарбыт Василий Винокуров «Эбээхпэр» ырыата быйыл 30 сыла буолла 2 –с Ханалас нэьилиэгэ теруттэммитэ 85 сылыгар сеп тубэьэн эмиэ убуелейэ!

2 –с Ханалас нэьилиэгэ теруттэммитэ 85 сылыгар бэлэмнэнии олох эрдэ са5аламмыта баьылыкпыт К.К. Бубякин юбилейга анаан хамыыьыйа тэрийэн, наадалаах дьаьаллары ылынан, беьуелэкпит араас хаар оноьуктарынан, былаахтарынан, плакаттарынан, уотунан-куеьунэн киэркэйдэ .Ол курдук, ахсынньы 8 – 9 куннэригэр нэьилиэкпит бу дата5а аналлаах сылы быьа ыытыллыбыт тэрээьиннэри тумуктуур 2 куннээх тэрээьиннэр урдук таьымна ыытылыннылар. Дьон – сэргэ да астынна, уеруу кетуу уксээтэ. Билигин 2 кун устата ыытыллыбыт тэрээьиннэри биир, биир сыныйан керуеххэ:

Маннайгы кун: Кунус 3 чаастан 250 киьиэхэ аналлаах. Эбээх олохтоохторо бука бары тумсэн, толору аастаах-уеллээх бырааьынньыктаа5ы банкетнай остуоллары тэрийдилэр.

Банкеты ер кэмнэ саха тылын учууталынан улэлиир Е.Д.Ефимова уонна А.А. Рехлясова иилээн - са5алаан, тэрийэн ыыттылар. Банкет биьиги 2-с Ханаластартан ордон кэлбит номохторго, кэпсээннэргэ оло5уран суруйбут РСФСР норуотун уерэ5ириитин туйгуна, Утуелээх учуутал  В.И. Ефимов – Сыркыс суруйбут «Етехпут сэргэтин кэпсээнэ» былыргыны, хойуккуну арыйан керер  историческай поэматыгар оло5уран ыытылынна.Манна ырыа – тойук ылланна, ункуу – битии дьиэрэйдэ.Баьылыкпыт араас таьымнаах на5араадаларын ер кэмнэ нэьилиэк туьугар улэлээбит кырдьа5астарбытыгар, 11 улэ бэтэрээнигэр, билинни кэмнэ куустэрин-уохтарын бастын дьону махтал суругунан, грамотанан на5араадалаата, бэлэхтэри туттарда.   

            Киэьэ 7 чаастан улууспут А5а баьылыга Е.М. Слепцов кыттыылаах торжественнай мунньах ыытылынна.Манна Евгений Михайлович нэьилиэк олохтоохторун убулуейунэн э5эрдэлээтэ уонна нэьилиэк администрацитыгар 200 тыь. солкуобайы туттарарын туьунан сертификат уонна нэьилиэнньэ сынньаланын туьалаахтык атаарарыгар бильярднай остуол бэлэхтээн нэьилиэнньэ бар5а махталын ылла.

            К.К. Бубякин э5эрдэ тылын этэн баран бэйэтэ онотторбут нэьилиэк таьымнаах сурдээх сыаналаах «2-с Ханалас нэьилиэгэ социальнай-экономическай сайдыытыгар енетун иьин» знагын 5 дойдуларын туьугар элбэх сыраларын биэрбит дьонно туттарда:

1. Шадрин Николай Николаевичка – нэьилиэк I –кы Главата

2. Винокуров Дмитрий Дмитриевичка – нэьилиэк баьылыгынан 7 сыл улэлээбит.

3. Никитина Людмила Ивановна5а – муниципальнай тэриллиигэ уьуннук улэлээбитин иьин.

4. Гуляева Ульяна Константиновна5а – бэтэрээннэр сэбиэттэрин бэрэссэдээтэлигэр.

5. Ефимов Василий Ивановичка – Сыркыс –хас эмэ кинигэ ааптара, общественнай улэ актыыбынай кыттааччытыгар.

Ол кэннэ нэьилиэккэ анаан бэрт элбэх э5эрдэ тыл этилиннэ сыаналаах подароктар туттарылыннылар.

Салгыы быйыл куьуннэттэн кулууп дириэктэринэн таьаарыылаахтык улэлиир А.А. Сивцева Эбээх нэьилиэгэ теруттэниитин туьунан туруорбут представленията кеьуннэ.Ол кэннэ э5эрдэ концерт ыытылынна.

Бу кэннэ ерегейдеех куммут уоттаах-куестээх а5а саастаах дьонно аналлаах ункуунэн битиинэн тумуктэннэ.

Хотугулуу кыьыммыт кунун оройо керен турда5ына 11 чаастан Убулуейбут иккис кунэ «Аьын, таптаа кэрэни» оскуола о5олорун концерынан са5аланна.Бу кэнсиэр 24 ча5ылхай нуемэрдэртэн турда, сценарийа учугэйин иьин кербут дьон хай5алын ылла.

Кэнсиэр бутуутэ 2 чаастан дьон убулуейгэ аналлаах Василий Ефимов тэрийбит шоу-лотереятыгар кулууп дьиэ5э баппат элбэх киьи муьунна.Уопсайа тыьынчаттан ордук билиэт атыыламмыт эбит буолла5ына мин санаабар элбэх билиэт бириистээх буолан дьону- сэргэни уертэ - кетуттэ.Сурун бириис аныгылыы компьютер (моноблок) баттыаннаах илиилээх Явловскайдар дьиэ кэргэттэригэр тубэстэ. Киэьэ 5 чаастан Орто-Халыма5а олорор биир дойдулаахтарбыт туруорбут сонун кэнсиэрдэрэ Эбээх нэьилиэгин олохтоохторун се5уутун махталын ылла.Дьэ бу кэннэ 8 чаастан Халыма сиригэр буола илик убулуей тэрээьиннэрин кульминацията «Снегопад» бальнай ункуу куонкуруьа са5аланна.Куонкуруьу ер сылларга культура эйгэтигэр улэлээбит, хореограф идэлээх Екатерина Егоровна Бубякина ке5улээн, тэрийэн ыытта.Куонкуруьу дедсад о5олоро вальс ункуунэн са5алаатылар.Салгыы 1-2 кылаас уерэнээччилэрэ мазурканы ункулээн тэйдилэр.Бу тэрээьини 11 кылаас уерэнээччилэрэ 19 уйэтээ5и гусардар уонна дамалар буолан контрданс диэн сэдэх ункууну унуулээн бу тэрээьини киэркэттилэр.Биэчэргэ кэлбит дьон кэрэни керен дуоьуйан, маннык баллар ессе да ыытылла турдунар диэн алгыс таллаах тар5астылар.

            Тумуккэ этиэм этэ 2-с Ханалас нэьилиэгэ теруттэммитэ 85 сылыгар аналлаах тэрээьиннэр урдук таьымна ыытылыннылар диэн.Бу мероприятиены тэрийбит олохтоохторугар бар5а махтал!Уунэ, сайда тур тапталлаах Эбээ5им!!

Эбээх беьуелэгин ыччатын лидера С.Н. Тырылгин